Adat di lauik bajurumudi, adat di sabuang bajuaro, adat di alek barajo janang.Kok dikaji tantang si jurumudi tau di angin nan basiru, tau di ombak nan basabuang, pandai manjago pasang turun naiak.
Kok dikaji tantang si juaro, tau di tuah sisiak ayam, tau di bulang nan bakicuah,pandai managah manampin taruah. Kok dikaji tantang si rajo janang, tau diereng dengan gendeng, tau dicaka dengan kaik, tau manjago labiah jo kurang.
Baa sakarang kini nangko ; Ramo-ramo tabang malayang, malayok ka Koto Tangah, banyaknyo ampek puluah ampek, indah carano bukan kapalang, talatak di tangah-tangah, di lingkuang urang nan rapek.
Buruang si nurak buruang si nuri, manari-nari di ateh pamatang, siriah galak pinang manangih, mancaliek carano nanlah datang.
Lorong kapado caranonyo, carano banja Reno Ali, buatan tukang Koto Gadang, nan rimbun bungo kalikih, nan ranggan bungo kacubuang, nan kungkun gagak ka hinggok, nan lantiek alang bamain.satahun dipanggang Bugih, samusm dilingka Cino, usahkan ratak rángch pun tido.
Pihak kapado siriehnyo, sirieh udang tampa hari, tampuaknyo bak kuku balam, ga
30
