gangnyo bagai suaso, batang diambiek katinaman, buah diambiek ka tiruan,satahun dalam panggulungan usahkan layua batambah hiduik.
Kok kunun pulo di pinangnyo, pinang si erak ero manih, tumbuahnyo di kida rumah, tingginyo pan:jek-panjekan, randahnyo jangkau-jangkauan, pucuek malepai awan putiah, satalun tupai dek mamanjek jarang basuo jo buahnyo.
Pihak kapado di gambienyo, gambie kuniang sarupo dadiah buatan puti Sari Lamak, manihnyo tingga di lidah, kaleknyo tingga di rangkungan daun malayo kalautan, tibo di pulau batebaran. Kok konon pulo di sadahnyo, sadah putieh ambun bajano, dibasah jo aie bungo.dipati jo pati santan, dikipeh jo ambai-ambai, dipalik jo jari manih, bakisa ka jari tunjuak, mambayang ka tapak tangan,sapalik sapuluah ameh, sakadam sakati limo.
Harago nan tidak ta haragoi, harago satimbang jo nagari, makanan anak rajo-rajo makanan Sutan jo Panghulu.
Pihak kapado timbakaunyo, timbakau aluih ambun tajelo, bijonyo datang dari Ruhum pakirin si dayang di lautan, dibaok anak Sutan Bentan di racik anak garagasi.
31
