kan aia kapambuluah, dibulekkan kato ka mupakaik nak dari Angku Datuak ta- biknyo.
Datuak Ban-daro : Iyo lah sampai lek Angku Datuak?
Datuak Kayo : Bilang alah !
Datuak Ban-daro : Tapi tantangan sambah manyambah, ran- dali dianjueng tinggi ketek diamba ga- dang, lai maaf dimintak, parundiengan dikambalikan kabakeh Angku Datuak.
Parundiengan nan ka dikambalikan ka bakeh Angku Datuak, dek korong lah mandatangkan sambah, jo panitahan si- lang nan bapangka karajo nan bapokok, mahadok kabakeh kito si Alek jamu.
Kalau manuruik nan biaso, limbago ga- yuang basambuik, pusako kato bajawek, baa sakarang kini nangko di tautangan ga. yueng nan kamanyambuik, di tantangan kato nan ka manjarek, nak dari Angku Datuak bana tabiknyo. Kan baitu kato Angku Datuak ?
Datuak Kayo : Yooo lah.
Datuak Ban-daro :
Kok dikaji rancak jo elok iyo diambo. Baatu nyo kini, dek karano basiang tampek nan tumbuah, batanam tampek nan ado, dek lah tumbuah di Angku Datuak,
