Si Alek : Bilang alah !
Si Pangka : Ruponyo nan manjadi buah panitahan dek Angku. Datuak (Sutan) mahadok ka ateh badan diri ambo, iyo malah jokok bak di ateh andaknyo di ukuran nan sampai,di bilangan nan cukuik iyo malah sabanyak gayuang sabanyak sambuiknyo, sabanyak kato sabanyak jaweknyo.
Baa tunyo kini kok indak ta ulang bak manyapuah, kok indak
tabaliak bak manggang, ka baa kolah, kan baitu kato Angku Datuak (Sutan) ?
Si Alek : Iyooo lah.
Si Pangka : Dek ambo kaji nan marusuah nan manggamang iyo kaji nan saganok itu, gayuang kok indak basambuik, kato kok indak bajawek.
Baa tonyo kini asa lai gayuang ka basambuik, asa lai kato kabajawek, indak kan diuji samo merah, indak kan di kati samo barek, panjang jo singkek pado Allah di sarahkan.
Alah ka sanang hati Angku Datuak (Sutan) ?
Si Alek: Dek ambo muluik Angku Datuak (Sutan) nan sa patah itu pulo nan ambo nanti. Ambo sangko cako itu balari kok samo kancang, baramuak kok samo dalam
40
