salam kapado nan basamo, awa di kana
tantang iko, akhia dibaco niat jo nazar.
Nan ta niat nan ta nazar pihak di kami si pangkalan, tantangan juadah nan ka tangah, di tilak di pandang rupo di silau dipandang roman elok nan tidak babincano, tuah karajo lah manjadi tuah karajaan lah salamat, pihak sa banta iko
kini, alah dek manti jo pagawai sarato bujang main pautan, dek banyak manaruah ragu dek lamo manaruah lupo.
Tantangan juadah nan ka tangah, kok kurang susunnyo nan bak sirieh, kok kurang liriknyo bak pambatue, lai nak dibari maaf kami silang nan bapangka karajo nan ba junjuang.
Limbak nan dari pado itu;
Nak hila ka Batang Hari, nak mudiak
ka Pauah Kamba
Babelok jalan ka Pariaman.
Minumlah ale nan ta isi, santok juadah
nan katangah.
Nak sanang hati si pangkalan.
Sakianlah sambah jo panitahan diparirik-kan kahadapan Angku Panghulu Nan Gadang Basa Batuah, ujuang panitahan ka bakeh Angku Datuak (Sutan).
42
