↓Laman ko alah sah
I. PENDAHULUAN
Dibukak tambo nan dahulu
tambo sajarah alam Minang
Tumangguang Putiah niniak nan turun.
di Koto Laweh Pandai Sikek
dalam daerah VI Koto.
Hormatlah hambo ka panghulu
niniak jo mamak nan saundang
undang nan turun tamurun
pusako jawek bajawek
sampai sakarang kini nangko
Tumangguang Putiah. niniak nan asa
'lah turun ka Padang Tarab
turun ka Agam- Balai Gurah
Koto Gadang Kampuang dihunyi
Ganti Murin namo adiaknyo
Mambari salam hambo ko, ulama
'alim ulama nan sakitab
kitab lah nyato dari Allah
sunnah 'lah nyato dari Nabi
agamo Islam agamo kito.
Kununlah niniak nan piawai
gadang mukasuik dalam hati
handak marantau basamo-samo
maninggakan ranah IV Koto
manuju arah lauik basa:
3
