Apuang-apuang Sitinjau Lawik
Tampak nan dari gudang garam;
Untuang ambo bak limau hanyuik
Balun batantu tampek diam.
Rami galanggang ateh gunuang
Urang manyabuang latiek-latiek;
Kato dierak dalam tanuang
Untuang nan tidak namuah baiak.
Parahu Sutan Mano Baiak
Balabuah tantang kuntang-kuntang
Sarek bamuatan api-api;
Kok lai untuang nan ka baiak
Panek tatungkuik tatilantang
Kok lai tajajak tanah tapi.
Namun malam samalam nantun, mato nan tidak namuah lalok, takana juo adiak kanduang, ditampa dado dikaluahkan, badan di dalam lurah juo, manangih sambia bapantun, “Adiak kanduang Subang Bagelang, iyo bana bak kato urang,
Lubuak Buayo jo Padang Sarai
Tigo jo Kampuang Koto Tangah;
Urang nan kayo mukasuik sampai
Ambo nan bansaik patah di tangah.
Singapura tanjuang mamutuih
Tampek bamain sipak rago;
Sasa kudian tidak putuih
Sadang kasiah sansaro tibo.
Tinggilah bukik gunuang Padang
Padi di lambah masak balun;
Kok bacarai sabab dek urang
Hati di dalam salasai balun.
Sutan Iskandar ka Kiniko
Patah buluah padagang garam;
Jikok takana di parasaian iko
94
