Salorong Tuan Magek Manandin, alah sehat badannyo kini, alah pulang inyo ka kampuang, ambo antakan sahinggo jalan, sampai dititian panjang, disuruah nyo ambo babaliak, bakirim salam pado aciak, tolong jo doa banyak-banyak, kok untuang tajajaktanah tapi."
Sadang dek Puti Taruih Mato, baru mandanga kato nantun, hatilah rusuah-rusuah ibo, tak batantu dir usuahkan, angin baputa-puta baliak, bacampua harok-harok cameh, nasi dimakan raso sakam,iyo bana bak pantun urang,
Dek alang tidak tatabangkan
Dek balam tidak talayokkan
Dek jauah rantau Palembang
Dibaliak rantau Indopuro;
Siang nan tidak tasanangkan
Malam nan tidak takalokkan
Hati pacah bicaro bimbang.
Niat bak raso sampai juo
Taligarok di batang kapeh
Tiok tunggak baisibuang
Barang kauih pulo ujuangnyo;
Tidak diharok buruang lapeh
Buruang Basayok pandaitabang
Badan ka mabuak dek lakunyo.
100
