Masuak Kampuang
Kaba baraliah hanyo lai, aliah nyo kapado Magek Manandin, alah dititi titian panjang, alah tibo inyo di subarang, manurun ka dalam kampuang, alah tibo di simpang ampek, tampaklah urang baduo, mambaok ayam sikua surang.
Bakato Magek Manandin, "Oi Tuan urang nan lalu, bari luruih ambo batanyo, datang dimano kolah Tuan, mambaok ayam sikua Surang."
Manjawab urang nan lalu, bagala Bagindo Leman, "Kalau itu Sutan tanyokan, kami nangko datang dari balai, balai rami tidak baranti, sabab kami dahulu pulang, galanggang hampia ka dibukak, sabab nan punyo alah ka kawin, banamo Puti Subang Bagelang, bajanjitujuah hari lai, kawin dangan Rajo Duobaleh.
Kaminangko baibo hati, ibo bacampua jo rusuah, nan banamo Subang Bagelang, dahulu tunangan rajo kami, nan banamo Magek Manandin, anak angku Datuak Bandaharo. Jikok dicurai dikabakan, banyak bana baibo hati, salamo rajo kami hilang, kampuang langang nagari sunyi, hilang sumangaik Sandiangbaka. Sutan kamano ka bajalan, barilah maaf banyak-banyak, kito batamu ditangah jalan."
102
