Salasai nan bak nantun, bajalan Magek Manandin, hati ibo batambah rusuah, lah tigo rantang pajalanan, hampia ka tibo hanyo lai, alah tibo cando di balai, alah dilatakkan malah siriah, siriah nan balun dibukaknyo, lalu bakato Magek Manandin, bakato sambia badendang,
"Urang balai bali lah bali, urang balai balilah siriah, nan bansaik kok lai ka kayo, nan kayo kok lai ka bansaik, hiduik nangko sakali Surang."
Tamanuang urang tangah balai, surangpun tidak urang nan tahu, siriah nan balun dikadaikan nyo, tatapi inyo badendang juo, busuak nan tidak tabadokan.
Bahimpun urang kasadonyo, uranglah bancigadang ketek, urang banyak nan mamukua juo, lah datang Rajo Duobaleh, sarato dubalang nan barampek, "Manolah urang manggaleh siriah, bajalan malah kini-kini, sababmanyusah urang kampuang."
Manjawab Magek Manandin, "Ampun tuanku rajo kami, kalau dibunuah ambo mati, Tuanku buang ambo jauah, kato bana disabuik juo.
Kok dilarang ambo manggaleh, jo apo nasiambo bali, utang lah banyak manantikan, pikialah diangku dagang sansai, sawang nan tidak bapagantuangan, bapak tidak mandehpun tidak, dusun nagari jauah pulo, iboimalah anak dagang."
Manjawab Rajo Duobaleh, dijawab jo muko bangih, tapuak tibo hantampun datang, dipalu pulo dangan tungkek, disuruahjuo inyo bajalan, datang surang manulakkan. Alah bajalan Magek Manandin, paika sumua Subang Bagelang, alah tibo inyo di sumua, alah duduak Magek Manandin, dicaliak urang tidak ado, sadang bapaneh-paneh juo, badan sarupo kanai biriang, rupo di tukak jo ditekong.
108
