Tantang Suliki Pakandangan
Bandakan ka Sungai Sariak
Kok di dalam padi juo;
Kok iyo lai sayang ka nan kini
Cubolah agak ka nan lamo
Harisaharidipatenggangkan
Banakan ka tuan adiak
Kok lai di dalam hati juo."
Manjawab pulo Subang Bagelang, "Oi Tuan urang manggaleh, kok lai hiduik tuan ambo, tuan kanduang Magek Manandin, Allahu Rabbisuko hati, Tuan sampaikan salam ambo, katokan ambo mintak pulang, Tuan katokan sampai-sampai.
Lapeh nan dari pasa Sampan
Handak manjalang Bukik Apik
Parentah lareh Tujuah Koto;
Tuan kanduang baoklah pasan
Baju baguntiang tak bajahik
Talatak apo ka gunonyo.
Talang dirimbo Mangkapuyan
Ditanam kalasi kapa
Dibaok nak rang Koto Tuo;
Cindai kapalo pakodian
Harun ditaruah saudaga
Lapuak di dalam toko juo.
Harilah badarok patang, alah mandi Subang Bagelang, sudah mandi balimau jo bakasai, bakato Subang Bagelang, "Tuan kanduang urang manggaleh, Tuan tinggamalah disiko, pabilo Tuan ka babaliak, kok batamu jo tuan ambo, pasan nan jan dilupokan."
Alah pulang Subang Bagelang, alah tibo inyo di rumah, hari badarok patang juo, sadang dek Magek Manandin, namun malam samalam nantun, alah bajalan Magek Manandin, alah tibo di tangah
116
