Alah naiak Magek Manandin, tibo di ateh rumah gadang, alah duduak ditapi pintu, badan busuak tidak tabado, kaki dipaluik jo balacu, lah tigo bulan tidak mandi, alah bahuruang langau hijau, dek busuak Magek Manandin, urang lah bancikasadonyo.
Datang dubalang nan barampek, dikabek Magek Manandin, dielo ka tangah laman, bakato Rajo Duobaleh, "Bunuah banalah anak rang nangko, anak bincacak anak bincacau, anak rang tidak basuku, elok dibunuah kini-kini, kok mati tidak mambangun!"
Baru mandanga kato nantun, alah bahimpun urang nagari, gadang ketek mampatinjukan, apo nan da pek digadokan, sadang dek Magek Manandin, tidak talok kanai tangan, sadang batolong pado Allah, tidak pulo dimakan batu, hilanglah aka kamambunuahnyo.
Alah bakabek Magek Manandin, diirik jo tali gadang, alah tibo di jalan kabau, dikubuakan Magek Manandin, bakubua di jalan kabau, inyo takubua sahinggo lihia, nak buliah dipijak dek kabau banyak, urang banyak babaliak pulang.
Lamo sabanta antaronyo, alah datang kabau nan banyak, di tantangan Magek Manandin, kabau tak namuah mamijaknyo.
Hari batambah laruik malam, sadang dek Magek Manandin, takana alemu kapandaian, nan diajakan urang tuo, dilapeh gayuang parmayo, sarato pitanggang jo palalai, dilapeh doa galanggang, kapado Subang Bagelang, kok buliah usah jadi kawin.
Pintak nan sadang ka balaku, sadang batolong pado Allah, alah sakik Subang Bagelang, alah dapek panyakik paruik, namun malam samalam nantun, haru biru urang nan banyak, bahimpun dukun pandai ubek, sakik nan tidak namuah sanang, usahkan sanang, batambah sakik nan labiah, tidak jadi lai kawin.
Urang lah rintang dek panyakik, sakik batambah sangaik juo, urang manangih gadang ketek, namun malam samalam nantun,
122
