takalok Subang Bagelang, dalam lalok mimpi lahtibo, di dalam mimpi mangatokan, ka jalan kabau mangkonyo sanang.
Mimpi sudah inyotasintak, bakato Subang Bagelang, "Adiak kanduang si Kambang Manih, sakik batambah-tambah juo, ubek jauah panyakik hampia,
Guruah patuih panubo limbek
Pandan tajamua disubarang;
Tujuah ratuih carikan ubek
Ka jalan kabau mangkonyo sanang.
Baitu kato mimpi ambo, kinimolah samo pai, antakan malah badan ambo, antakan ka jalan kabau."
Manjawab Si Kambang Manih, "Kalau baitu kato Aciak, kito bajalan kini nangko."
Alah bajalan si Kambang Manih, duo jo Subang Bagelang, alah sarantang pajalanan, tidaklah kaba dipanjangkan, kaba baraliah ka Magek Manandin. Sadang dek Magek Manandin, badan bakubua sahinggo lihia, alemu dikana juo, iyo takana pituah guru, alah dilapeh diputa baliak, doa pitanggang kalaparan, sadang mandoa inyo manangih, ayia mato bak maniak putuih, manangih sambia jo bapantun,
"Languah langah buni limpato
Urang mamanggang pariangan
Takajuik urang di Silaiang
Pado bakirai bungo lado;
Kok tidak lalu satampuah nangko
Dikarek kalingkiang kanan
Dipakai tarekat jangkiang
Jan batambah doso juo.
Kok tidak ka ladang diam
Padisiapo nan ka luluah
Banto kan iyo ambo bubuik juo;
124
