Jikok tidak ka sanang diam
Hati siapo nan ka rusuah
Namun kasiah ka ambo sabuik juo."
Sadang bapantun pantun juo, bapantun lalu manangih, pintak nan sadang ka balaku, alah tibo Subang Bagelang, dihampiri Magek Manandin.
Bakato Subang Bagelang, "Oi Tuan urang manggaleh, salamo Tuan dikubuakan, badan ambo lah jatuah sakik, kini baitu malah dek Tuan, tolonglah ubek badan ambo, kudian kok lai mambaleh guno, nak kamikali kubua Tuan."
Manjawab Magek Manandin, "Adiak kanduang puti nan datang, kalau suko adiak manolong, dagang tabuang dek nan punyo, ambo mamintak pado Allah, salamaik juo badan adiak."
Sadang dek Subang Bagelang, duo jo si Kambang Manih, dikali malah kuburan nyo, alah kalua Magek Manandin, alah duduak inyo batigo.
Bakato Subang Bagelang, "Oi Tuan urang manggaleh, pado marasai badan Tuan, elok Tuan bajalan dahulu, Tuan mangatokan tantang Tuan ambo, nan bagala Magek Manandin, inyo lai hiduik juo, lai pulo inyo bapasan, lakeh juo nak batamu.
Sabagai pulo tuan kanduang, Tuan banakan elok-elok, tatkalo Tuan kamari, dimano inyo Tuan tinggakan."
Manjawab Magek Manandin, "Adiak kanduang Subang Bagelang, jikok itu Adiak tanyokan, kok salorong Magek Manandin, nak ambo katokan bana, tidak ambo baduto-duto, nan banamo Magek Manandin, kok mahimbau adiak talampau, kok babisiak kadangaran."
Mandangadi kato nantun, takajuikgadang Subang Bagelang, sanan bakato hanyo lai, "Kalau baitu kato Tuan, tidaklah ado urang
126
