Pituah Bapak jo Mandeh Kanduang
Alah sahari antaronyo, alah pacah kaba hilia mudiak, alah sampai ka Sandiangbaka, baraso Magek Manandin alah pulang, Rajo Duobaleh alah mati.
Takajuik Datuak Bandaharo, duo jo Puti Linduang Bulan, sarato dangan Puti Bungsu, badan nan sakik alah sehat, mandanga anak alah pulang.
Bajalan Datuak Bandaharo, duo jo Puti Linduang Bulan, sarato dangan Puti Bungsu, si Kambang banyak mairiangkan, manjapuik Magek Manandin.
Alah sarantang pajalanan, dek lamo lambek bajalan, alah tibo inyo di sanan, di kampuang Rajo Duobaleh, batamu Magek Manandin, di laman Puti Nilam Cahayo.
Manyambah Magek Manandin, kapado ayah kanduangnyo, sarato Mandeh Linduang bulan, “Bari maaf ambo dek bapak, sarato mandeh kanduang ambo.”
Manangih Puti Linduang Bulan, ayia mato badarai-darai, anak kanduang Magek Manandin, tidak denai sangko hiduik lai.”
Babuah-buah buni ratok, manangih pulo Puti Bungsu, bakato Datuak Bandaharo, “Anak kanduang Magek Manandin, tidak guno
148
