↓Laman ko alah sah
Sanan manjawab Magek Manandin, “Oi bapak juo janyo ambo, sarato mandeh kanduang ambo, ampun juo nan ambo mintak, salorong pituah mandeh jo bapak, ambo pacik malah arek-arek, sabarih tidak nan lupo, satitiak tidak talampaui, kok siang ambo patungkek, kok malam dijadikan banta, alah ka sanang hati bapak, sarato mandeh kanduang ambo.”
Alah patuik jarami lapuak
Alah lamo batang tarandam;
Alah patuik mato takantuak
Harilah laruik tangah malam.
Balam di ateh kayu gadang
Hinggok jo anak tiuang lampai;
Kalam patah dawaik tatunggang
Tidak dapek manyurek lai.
166
