↓Laman ko alah sah
lai umua samo panjang, batamu kito kudian, mintak dilapeh jo hati nan suci.”
Manjawab Rajo Kuaso, “Kalau baitu kato Tuanku, ambo tarimo jo hati suci, tantangan minum dangan makan, kalau ado labiah atau kurang, walaupun muluik nan tadorong, mintak maafkan banyak banyak.”
Mandanga kato Rajo Kuaso, manjawab pulo urang nan banyak, “Namun taupek jo tapuji, jan manjadi sasuatu, kami bajalan hanyo lai.”
Alah pulang urang nan banyak, sabuang baranti hanyo lai, nan kalah baibo hati, nan manang basuko-suko, urang alah pulang hanyo lai, pulang ka kampuang masiang-masiang.
12
