Paranglah Talu jo Sinuruik
Parang jo anak Gunuang Rajo;
Namuah bana ambo manuruik
Tuan tak namuah ka mambaok.
Baringin di pasa Sampan
Tumbuah di kampuang Kurai Taji
Ka kida jalan ka Pariaman;
Jikok jauah Tuan bajalan
Asa balun tadanga mati
Tidak diganti jo nan lain.
Salasiah di tapi jalan
Disakah nak rang Tiku
Jatuah badarai salaronyo;
Tadorong kasiah bakeh tuan
Bak anak arek manyusu
Dicaraikan apo ka dayonyo.
Hilalang banyak nan lando
Elok dipotong naknyo randah;
Kasiah surang ruponyo ambo
Bak pisau tajam sabalah.
Manjawab Magek Manandin, “Adiak kanduang Subang Bagelang, adiak tingga malah di rumah, jan adiak barusuah hati, iyo bana bak pantun urang,
Sutan Berahim pai ka panti
Singgah basukek lado sulah;
Haram nan lain di hati
Namuah batapuak kalam Allah.
Urang marandang sajak malam
Nampak nan dari Pulau Batu;
Urang banyak dipandang haram
Adiak surang sunat paralu.
36
