↓Laman ko alah sah
Kito haru kito kalami
Kito papuweh dunia nangko
Sisiahkan ilimu tampek tagak
Sakiro untuak kito baduo.”
Alah bajalan Magek Manandin, alah diracak malah kudo, mambaok ayam biriang balang, alah sarantang pajalanan, tunangan manangih ditinggakan, manangih babuah-buah, sambia bapantun maso nantun,
“Balayia babelok-belok
Balabuah tantang di nan tanang;
Nan pai hati tak elok
Nan tingga darah tak sanang.”
Sadang dek Subang Bagelang, alah naiak inyo ka ateh rumah, taruih sakali ka ateh anjuang, dibukak kulambu ka tujuahnyo, tidua bagaluang inyo bak kuciang, ayia mato badarai-darai, makan tidak minum pun tidak, badan lah kuruih bagai pimpiang.
40
\
