Birawari Rajo Kuaso, barumandanga kato nantun, alah bajalan Rajo Kuaso, alah sarantang pajalanan, dek lamo lam bek di jalan, hampia ka tibo hanyo lai, alah tibo malah di sanan, di kampuang Rajo Duobaleh, bajalan-jalan masuak kampuang, mukasuik sangajo dalam hati, mancari jawika pambajak, urang lah hampia turun ka sawah.
Bajalan juo hilia mudiak, jawi dicari tidak dapek, alah batamu Rajo Duobaleh, batamu di simpang jalan, bakato Rajo Duobaleh, "Oi tuan Rajo Kuaso, ka mano Tuan ka bajalan, apo mukasuik Tuan cari?"
Manjawab Rajo Kuaso, "Sabab ambo datang ka mari, mancari jawi ka pambajak, kokado urang nak manjua."
Bakato Rajo Duobaleh, "Jikok itumukasuik Tuan, laiado ambo ba jawi, sadang bakabek lah tu kini, kalau Tuan suko mambali, murah bana haragonyo, liek dek tuan jawi nantun, bakabek di pondok jago."
Alah bajalan Rajo Duobaleh, manuruik Rajo Kuaso, paimaliek jawi nantun, alah tibo di pondok jago, bakato Rajo Duobaleh, "Oi tuan Rajo Kuaso, ikolah jawi kato ambo," ditunjuakkan Magek Manandin, "Baok dek Tuan urang nangko, sabab inyo mamaliang jawi."
Sadang dek Rajo Kuaso, dicaliak bana hampia-hampia, alah tarang Magek Manandin, kironyo kamanakan kanduang, bakain babaju tidak, nan tingga sarawa genggang buruak.
Alah tasirok darah di dado, malu nan tidak tatangguangkan, awak kayo disabuik urang, budak banyak sakarek koto, kamanakan mamaliang jawi, ka mano muko ka disuruakkan, sadang dek Rajo Kuaso, alah diambiak Magek Manandin, diirik jo taligadang, harinan sadang tangah hari, sadang lah bunta bayang-bayang, dibaok juo bajalan.
Alah sarantang pajalanan, di mano panek inyo baranti, manangih Magek Manandin, ayia mato badarai-darai, bakato Magek Manandin, "Oimamak Rajo Kuaso, barilah baa ambo ampun, sakik
58
