Sikujua tabang jo pipik
Tabang jo anak tiuang api;
Kok mujua runtuahlah bukik
Panimbun kubua dagang sansai.
Mandaki Bukik Paminyak
Manurun ka Koto Tuo
Di kida jalan ka Rambatan;
Kok lai badan badunsanak
Bapitih mangkonyo suko
Bansaik lah surang manangguangkan.
Tabanglah balam dari Rao
Hinggok di rantiang taruak-taruak;
Ka mano untuang ka dibao
Urang kampuang tulak batulak.
Koto rajo mandaram malam
Mandaram tantang Kubu Camin;
Untuang ambo Wallahu ‘alam
Antah sansai jadi angin.
Si Simun anak rang Bonjo
Tidua bagaluang di paseban
Tibo ponih hukum gantuang;
Jikok salorong untuang ambo
Bak batu dalam lawitan
Antah pabilo ka tarapuang.
Paiambo ka balai Canduang
Tagak juo di Gunuang Gadang
Basanda di baniah gunuang;
Malah ambo mangana untuang
Badan di dalam rimbo gadang
Takana juo di adiak kanduang.
“Adiak kanduang Subang Bagelang, adiak tinggalah di nagari, ambo lah sansai dalam rimbo, iyo bak pantun urang,
80
