↓Laman ko alah sah
Balenggek tangsi di Muaro
Putuih suto uleh kulindan;
Dek bansaik apo nan tido
Putuih kato dalam janjian.
Ikan rayo mudiak ka hulu
radainyo tingga di tapian;
Nan kayo tibo dahulu
nan bansaik tingga dijanjian
Naiak bendi satangah balun
Pasang lantera kaduonyo;
Ambo baniat sampai balun
Manangguang ikara salamonyo.
Salasiah di Gunuang Bungsu
Tampak nan dari Gunuang Sago
Di bateh Gunuang Pasaman
Aua duri rimbo daun
Hiliakan pasa Pariaman
Balai nak urang Ujuang Koto;
Kasiah kok dilarang ibu
Sayang lah dilarang bapo
Ambiaklah upeh kito makan
Ambiaklah racun kito minum
Tasirah tanah panggalian
Sakubua kito baduo.”
Sadang dek Magek Manandin, inyo manangih dalam rimbo, badan manangguang parasaian, adiak kanduang takana juo.
82
