173
nan sasuku-suku itu, rapé’ mangirieng samonjo: babuni pulo badie
disanan, kalam kabui’ dé’ aso’ badie: itu namonjo manabue ago’, sananglah hati mamandangi, malié’ urang parang ‘adat.
Alah mahato’ samonjo, tjukui’ sagalo ale’ panggielan, baie’pun bako djan bininjo, atau ana’ rang kampuang itu, mano-mano nan tida’ djadi tingga, alah samo tampa’ balako : djamba ditatieng anjolai, katangah alé’ nan rapé’ ’tu, iolah dulang dangan talam, baratuih-ratuih atếh rumah, dari udjuang lalu kapangka, dari tangah lalu katapi, sudah bapa- tui’ talata’njo, tingga maisi sadjo lai. Alah sudah djamba batatieng, io dé’ budjang main pantan, lalu taga’ surang manti, manaie’kan panjam- bahan, kapado sidang karapatan. Nan manjambah ukatu itu, iolah Bagindo Radjo, ba’itu buni sambahnjo:
,,Ampun basalah sajo, dé’ karapatan datue’ nagari nan tigo, sarato partiapan tuan manti pagawai, nan bakaki nan badjalan, nan batangan nan mandjangkau, baie’ di tuan dubalang nan samaratabat, baie’pun di tuanku sajo, malim nan saugamo, sarato tuan urang kajo-kajo, sado nan rapé' saisi-isi rumah nan gadang ‘ko: sajo mandatangkan sambah, tida’ akan tahato’ akan tabilang, sambah sajo mandjalani kaharibaan datue’ sado nan halie. Apolah nan akan sajo sambahkan, iolah nan ba’ pitua datue’ nan tuo-tuo:
Sajo 'ko djolong marambah,
antah sapé antah banio,
djangan dianta’-anta’kan.
Sajo djolong mandatangkan sambah.
antah dapé antah moh tido,
djangan digala’-gala’kan.
Manjambah sajo dari udjuang lalu kapangka. dari tangah lalu katapi, manjuruang kabalie’ rumah.
Sigulara’ nan disasa’,
labu nan barapuang-apuang.
Manjambahlah sajo di ninie’ mama’,
dikorong dan dikampuang :
baie'pun diipa bisan sajo.
Apo badaka’ atéh palano,
bilulue’ djatuah kalambah.
Akan taga’ sajo batanjo,
akan dudue’ sajo manjambah,
