38
itu dilarangkan, sabab urang nan tigo luha', badansana' kasamonjo, mano katudju pado hati, bulieh dibuē' itu bujuang, asa laï tumbueh ditanahnjo.
Malainkan pakaian nan diagieh, iolah pakaian gadang tadi, sadang kutiko ‘adat badiri, tida' bulieh ambie'-maambie', kalau tida' djo parundiengan. Sungguhpun itu dilarangkan, bulieh pulo itu dipakai, de' datue' nan sahandiko, de' radjo nan sadaulat, asa laï kato samupakat, habib 'adat de' karilahan, habih tjupa' de' palilisan, ba'itu buē' urang tuo, nan hambo danga baritonjo, dalam 'Alam Minangkabau 'ko, salingkaran luha' nan tigo.
Sabuah lai pulo bujuang, ko' io ang handa' tahu bana, didjalan sapandjang adat, kadji dahulu undang-undang, undang-undang banja' matjamnjo, ta'alue' babagai-bagai, dikadji tjurai djo paparan. Lantja kadji de' basabui', pasa djalan de' baturui', itu pitua urang tuo, djangan lupo dibuě awa', ba'itu makasui' mungko sampai.
Adapun banja undang-undang, adolah sambilan putjue', di 'Alam Minangkabau 'ko; didalam satu-satu putjue', limo ratuih banja' ana'njo. Patui' dikadji itu bujuang, undang-undang nan sambilan putjue', misiki tida' itu ka lantja, sabah banja' matonjo, tatapi sabuah hanjo pangkanjo, asa lah tahu di ta'alue'njo, alah bulieh bakeh bagantuang.
Kini dangakan pulo lah de' ang, ama' hambo tjuraikan pulo, namonjo rundang nan sambilan putjue', ama' tantu nan ka dikadji, pitua nan hambo djawè', nan hambo kadji-kadji djuo, samantaro hambo laï mudo.
Satu undang-undang ta'alue' kapado radjo,
kaduo undang-undang ta'alue' kapado pangulu,
katigo undang-undang ta'alue' kapado ‘alam.
Kaampek undang-undang ta'alue' kapado pakaian,
kalimo undang-undang ta'alue' kapado paramainan,
kaanam undang-undang taralue' kapado bunji-bunjian,
katudjuah undang-undang ta'alue' kapado rami-ramian,
kasalapan undang-undang ta'alue' kapado hukum nan tapakai pado alam.
Kasambilan undang-undang ta'alue' kapado kabasaran ‘alam.
Didalam undang-undang nan sambilan putjue' 'tu, anam kato mandjadi pangka, kapado 'adat djo limbago, di 'Alam Minangkabau 'ko, sampai karantan ba'it djuo, kato-kato nan anam itulah, nan manantukan satu caro adat djo limbago, kamano-mano ta'alue'njo, sabab kato-kato hati antah itu, nan banja' manganduang kiēh ‘ibarat 'adat, djaueh nan bulleh duurdjoe kan dake' man bulieh dikako'kan, nan basurieh ba apokan, nan barang ba' durian."
