balinduang kapanasan, bakeh bataduah kahujanan, iyo dek anak-kamanakan, nan salingkuang cupak adat, nan sapayuang sapatagak, di bawah payuang di lingkuang cupak, manjala masuak nagari. Kapai tampek batanyo, kapulang bakeh babarito, kusuik nan kamannyalasai, karuah nan kamanjanihi, hukum adia katonyo bana, sayak landai aianyo janiah.
Elok nagari dek penghulu, rancak kampuang dek nan tuo, elok musajik dek tuangku, rancak tapian dek nan mudo, elok rumah tanggo jo budno kanduang. Sapakat lahiajo batin, sasuai muluik jo hati. Kamankan barajo mamak, mamak barajo ke penghulu, penghulu barajo ke mufakat, mufakat barajo kanan bana, bana badiri sandirinyo, nan manuruik aluah dengan patuik. Pancaringek jo batang kapeh, tambuah sarumpun jo batang dadok, duri nan tumbuah tiok tangkai, tampuo basarang pado baniah. Ingek-ingek nan di ateh, nan di bawah kok maimpok, tirih kok datang dari lantai, galado kok datang dari hilia ingek samantaro balun kanai, malantai sabalun Japuak, maminteh sabalun anyuik. Kito bukan nan titiah dari ateh, tidak mambasuik dari bumi, tapi gadang karano dianjuang, tinggi karano dilambuak, tumbuah karano ditanam.
5
