bidodari, dalam sarugo tujuah pangkek.
Kurisi kadudukan nan dipertuan, Daulat Sultan Iskandar Zulkarnaini, anak Zhiis alaihissalam, anak Adam nan kurang aso ampek puluah. Mako batiuk angin si dolak-dolai, babuni gandang jo sarunai, sato rabab jo kacapi, sagalo buni-bunian dalam sarugo. Takambang payuang ubua-ubua, tando alamat basuko ati,kawin jo anak Rajo Ruhun. Dek hatta takalia Allah. Allah Ta'ala kayo sungguah, dapeklah anak tigo urang, laki-laki nan tuo Maharajo Alih nan tangah Maharajo alih turun bakuaso di Banua Ruhun (Roma), nan banamo Maharajo Dipang, turun ka Banua Tanah Cino. Maharajo Dirajo, turun ka Pulau Ameh paco nanko.
Manuruik curito tambo alam, pihak di Sutan Maharajo Dirajo,taniat di dalam hati, tacinto dalam kiro-kiro, balaiainyo maso itu, diateh dandang nan sabuah, sarato jo urang nan banyak, cukuik nan tuo caidek pandai, Datuk Suri Dirajo, sarato jo Cati Bilang Pandai, nan datang dari Nagari Basa, ikuik jo punti indo Jati.
Dek lamo dandang balaiah, di dalam lawik. Baharullah, tampalah api takijok-kijok, di atah puncak langgapuri, gunuang suatu maso itu, banamo gunuang barapi, Biroari Maharajo Dirajo, kepada Cati Bilang Pandai, ditujukan dandang ka sanan. Ditujunyo cayo lah hilang, galok gulito maso itu, tadampa dandang di sanan, di ateh puncak gunung barapi.
Di mano asa titiak palito, di puncuak teloang nan batali, dari mano asa niniak kito iyo di puncak gumuang barapi. Sirawik bari bahulu, diasah baru bamato, lawiktan sajo dahulunyo, barulah ado pulau paco. Sinan sirangkak nan badangkang, sarato buayo putiah daguak, di bawah batu hampa putiah, di bukik patah patigo, itulah Bukik Patah Sambilan, nan banamo Bukik Siguntang-guntang, bukik nan tidak barangin, lurah nan tidak baraie.
Di sinan bintuak nan barayun, di bawah labuhan sitimbago, dakek ligundi nan baselo. Dek niniak-muyang maso itu, dibuek dusun jo taratak, sabalun bakoto banagari, dibuek sawah gadang satampang baniah, makanan urang tigo luak, sarato rumah dengan tanggo.
Dek Lami musim bajalan, alam batambah leba juo, urang batambah kambang pulo, dibuck adat, dikarang undang-undang, disusun tangkai ciek-ciek, dibubuah dikabek arek, dipakukan ka tiang panjang.
Dibuek adat ampek rupo, partamo suri jo tuladan, kaduo ukuah dengan jangko, katigo barieh jo balabeh, kaampek cupak dengan
136
