gantang. Dikarang undang nan ampek, undang Inak dengan rantau, luak di bari bapanghulu, rantau diagiah barajo. Nan sokonyo turun-tamurun, pusakonyo jawek-bajaek, sampai skarang iko kini.
Urang Padang mahanyuah banang, dikumpa mako dilipek, dilipek lalu dipatigo, kok dirantang namuahnyo panjang, elok dikumpa naknyo singek, singkek sakiro kapaguno. Ujuik sambah buah rundingan,nyato tawalak kaukuran, tabaysihg bariah balabeh, bana bak andai kato bida, dek curiang barih dahulu, dek andai pusako lamo, kalau basiang di nan tumbuah, jokok manimbang di nan ado, tumbuah sarupo iko kini.
Ramo-ramo si kumbang jati, katih endah pulang bakudo, patah tumbuah hilang baganti, pusako lamo baitu juo. Birik-biriak tabang ka samak, dari samak ka halaman, patah sayok tabang baranti, tasuo di tanah bato. Dari niniak turun ka mamak, dari mamak ka kamanakan patah tumbuah hilang baganti, pusako di bao dek nan mudo. Adat pulai bapangkek naiek, maninggakan ruweh dengan buku, manusia bapangkek turun, maninggakan adat jo pusako. Mati datuak baganti datuak, nan gala tatap bak samulo.
Tantangan wajah sarupo iko, lah bulek aia ka pambuluah, lah bulek kato ka mufakat, bulek lah bulieh digolekkan, pipiah lah buliah dilayangkan. Tibo di adat lah baisi, kalau limbago lah batuang,tanduak samo ditanam, darah sudah bakacau, dagiang samo dilapah. Manuruik adat nan bapakai, kok ketek banamo . . . kini bagala Datuak . .. .
Tantangan limbago nan baitu, dek ketek banamo . .. kini bagala Datuak . . . iyo nan samo sahamparan, samo sahiliah jo samudiak, utang nan kamambaia, piutang nan kamanarimokan, kusuik nan kamanyalasai karuah nan kamanjaniahi. Nak bahimbaukan dipakan nan rami, dilewakan dilabuah nan goloang, kapado urang di nagari.
Marabah sadundun dengan balam, sikok barulang pai mandi,sambah sandundun dengan salam, kato diharap dibunisi, sakian sajo sambah pado Datuak.
137
