mamuliakan, tandonyo hiduik banagari, tandonyo kampuang bahalaman, rukun damai dalam nagari, takato baso jo basi, diliek ereang jo gendeang, mamakai paham rabah tagak, runciang kok lai ka mancucuak, tajam kok lai ka maluko. Nan dek tuo siriah jo pinang, adat usang pusako lama, di dalam luak nan tigo, balanjuang gantang balambak, panungkek tinggi baanjuang.
Nan dikato minum jo makan, mulia alek dek minum-makan, ubek jariah pamaga lapa, aka dapek pikiran tumbuah. Nan sakarang iko kini, cancang nan duo sagaragai, adat nan duo sakaitan, aso adat kaduo syarak, niat sampai kauah lah salamat, adat jo syarak lah salasai, adat lah tabatu intan, syarak lah taujudullah, kateh lah taambun jantan, ka bawah takasiak bulan, pado katiko iko kini, tipak ka diri marapulai, nan batarimo baiak-baiak, ditarimo jo suko hati, kan baitu bana kato Datuak (Sutan).
Indiak lai Dauak (Sutan), nan sapanjang kato Datuak iyolah kato sabananyo, hanyo baato hanyo lai. Kok tumbuah di tangah rumah, ka jadi peti unian, hibo bak padi salibu, dicupak kurang saketek, ditareh tidaknyo ganok, hanyo baato hanyo lai, tahadok ka diri marapulai, alah tasangkuik ka nan tinggi, alah tasanda ka nan gadang, kami tarimo baiak-balak.
Sakian jawabnyo dari kami.
154
