JAWAB SI PANGKALAN
Jawab nan datang dari Datuak, sambah tajelo di nan rapek, lah elok ditimpa manih, nan bak ukia dibari janang, kok mamahek lah nyato tantang barih, mangarek jaleh lah diukua, lah di aia lapeh tubo, dikapuak kapuak lakek parmato, kami pakai sifat mananti angku Datuak.
KAMBALI SAMBAH DARI ALEK
Kambali sambah pado Datuak, dek alua pidoman adat, karano pusako duduak basamo, duduak badhuo jo batigo, duduak bagauah jo nan tuo, talalai kato bakeh Batuak, ma'al jo rela kami mintak. Dek kami nan kajaweknyo, karano lah taniat di dalam ati, lah talapa nan dek lidah, nasi di piriang nak bamakan, ain dicawan nak baminum, kito basuah basamo samo, kan baitu bana kato Datuak.
Nan kajadi jawek jo saponyo tuak, nan kato sambah lah tibo, limbago salam lah datang, edang juadah nan ka tangah, di muko kami nan basamo, nak nyo salamat samporono, tangguangan kami nan basamo, tuak.
156
