↓Laman ko alah sah
JAWAB SI ALEK
Lah sampai dek Datuak (Sutan), sapanjang rundiang Datuak, kok buni lah samo kami danga, rupo lah samo kami liek, kilek baliuang lah ka kaki, kilek camin lah ka muko, hanyo bato hanyo lai. Kok santano tantangan minum jo makan. Sarato duduak kami tangah rumah. Kok makan alah kanyang, minum alah sajuak, kok duduak nyato lah endah, tidak nan usak sumbiang, boneh lah cukuik satang ka inyo lah elok ditimpo baiek, lah lamak ditimpo manieh, limbago pintak lah babari, kandak lah bapalukan, salamat kami nan pai, santoso urang nan tingga, lain hari kito batamu, maaf jo rela kami minta, sakian sajo ka jawabnyo.
167
