SEKAPUR SIRIEH
Manolah bundo kanduang di Minangkabau, sakali ambo manimbau, sepatah rundiang nan lalu, walaupun bundo kanduang nan diimbau, batin dek adat kasamonyo, pangana batin kanan rapek, ujuiknyo sambah kanan banyak. Sambah sujuk sambah tasimpuah, saharek bungka nan piawai, naraco lurui main daun, indak kasibak jo basisia, bukan bahinggo jo babateh. Maliputi luak dengan rantau jo pasisia, manuruik Adat Minangkabau, dalam kandungan lareh nan duo. Jauah mancari suku, jikok hampia mancari indu, nan malu balun babagi, nan suku tidak dianjak.
Nan ditani tanah nan sakapa, nan disaok awan nan sajurai, nan salilik Gunuang Marapi, saedaran Gunuang Pasaman, dari sirangkak nan Badangkang, buayo putiah daguak, sampai ka pintu rajo ilia, durian ditakuak rajo, Sipisau-pisau anyuik, Sialang balan tak basi, hinggo aia babaliak mudiak, sailiran Batang Bangkaweh, sampai ka ombak nan badabua, hinggo Sikilang Aia Bangieh, lapeh kalawik nan sadidiah. Pasisia Banda Sapuluah, hinggo taratak Aia Itam, sampai ka Tanjuang Simalidu, kandungan alam Minangkabau.
Ujuiknyo sambah nan taunjuak, nyato tawalak kaukuran, tabayang barih jo balabeh, bana bak andai kato bida. Bundo kanduang, limpapeh rumah nan gadang, umbun puro pegangan kunci, pegangan kunci aluang bunian, pusek jalo kumpulan tali, sumarak dalam nagari, hiyasan di dalam kampuang, nan gadang basa batuah, kok iduik tampek banasa, kok mati tampek baniat, kaunduang-unduang ka Madinah, kapayuang panji ka Sarugo.
Ujuik tujuan buah rundingan, sakiro paham dikandaki, bahubung jo maso nan ditampuah, musim nan tumbuah iko kini, syari'at ado bahakikat, lahir kulik manganduang isi, di lahia nan tampak nyato, di dalam pandangan ulemu, tiliak nyato paham mamanjek, di jauhari simpanan kato, jikok aka dijalankan, jotanang budi marangkak, kateh alah taambun jantan, ka bawah jaleh takasiak bulan, sampai tabagi dek ulemu, lahia menjadi buah ama, dek enggeran soko nan tatagak. Koto aman alam santoso, salamat koroang jo kampuang, makmur anak kamanakan, dunia bulea akhirat dapek, sinan mardeko makonyo panuah.
Tapi sungguahpun baitu, kalau ditiliak nyato-nyato, jikok dipandang sungguah-sungguah, dimainkan areang jo gendeang, dipakaikan raso jo pareso, nyato basuo kato papatah: Bakarih sikati muno, patah lai basimpai alun, ratak sabuah jadi tuah, kalau dibukak pusako lamo, dibangkik tareh nan tarandam, lah banyak ragi nan barubah, iyo bana bak pantung adat, bulek ruponyo
67
