rumah, manahan jatek di pintu, manggunting dalam lipatan, panuhuak kawan sairiang, badompek di saku urang, indak mancari ameh hala, indak tahu di Allah jo rasul, itu penghulu buduak hariang itu penghulu isi narako.
Penghulu yang Terpuji Sarato Kewajibannyo
Penghulu yang terpuji itu sudah barang tentu memiliki sifat-sifat dasar yang empat perkara: siddiq, tablig, amanah, fathanah.
Jiko tumbuah silang sengketo, tumbuah sangketo dalam kampuang, baik bantah dengan kelahi, kusuik sangketo nan indak putuih, dandam kasumat nan indak habih, tumbuah di dalam payuang awak, atau di dalam nan sahindu.
Maukua handaklah samo panjang, mangati samo barek, mambilai samo laweh, indak buliah bapihak-pihak, tidak buliah bakatiah kiri.
Cadiak jangan handak mandapek, jangan gadang handak melendo, kalau nan tak untuk tapakaikan, randah suku mudo bilangan, hilang rehan takucak tuah, binaso adat karanonyo sumbiang limbago dibueknya.
Kalau dipakai nan baik kian, bumi caiah langieklah runtuah, tampek bagantung nan lah kusuik, alamat susah badan diri, hati mabuak badan tak sanang, tiok bulan manangguang sakik, kutuak laknat manahan diri, kanai sumpah kalamulah, dimakan sibiso kawi, karano amanat tak bapacik.
Elok dipegang bida urang tuo, elok nagari dek penghulu, elok tapian dek nan mudo, sakato lahia jo bathin.
Elok kampuang dek nan tuo, memegang kato pusako, penghulu saundang undang, urang tuo sabuah hukum.
Kewajiban pado penghulu, mengaji undang nan duo puluh, supayo adal kuek syarak nak lazim, salamaik dunia jo akhirat.
Lindang nan Duo Puluh
Nagari ampek, adat pun ampek (4), namo hukum pun ampek (4) pulo. Kalo ampek (4) undang-undang pun ampek, cupak nan duo parakaro Ado pun nagari nan ampek (4), partamo dusun namonyo, kadus taratak namonyo, katigo koto namonyo, kaampek nagari
narmonyo.
92
