Adat nan ampek parakaro:
- Adat nan sabananyo adat,
- Adat nan diadatkan,
- Adat nan teradat,
- Adat istiadat.
Hukum nan ampek pakaro:
partamo hukum bainah,
kaduo hukum kurenah,
katigo hukum ijtihad,
kaampek hukum ilmu.
Undang-undang nan ampek parakara:
partamo undang-undang luhak,
kaduo undang-undang nagari,
katigo undang-undang dalam nagari,
kaampek undang-undang duo puluah
Kato nan ampek pulo pakaronyo
partamo kato pusako,
kaduo kato mufakat,
katigo kato dahulu batapati,
kaampek kato kamudian kato bacari.
Cupak nan duo pakaro
partamo banamo cupak asli,
kaduo cupak buatan.
Pegangkan paham maananyo,tantu mukasuik awa jo akhia jiko ragu pai batanyo, cari guru mamintak paham, kalau tak tarang sagalo nantun, awak panghulu kato urang, bilo tamasuak kapado nan anam jinieh, di mano nagari kasalasai, di mano koto mungkin rami, di mano kampuang kan bacayo, pangka kusuik ujuang bakaruik, bagai si buto pai ka ladang, cando si binguang pai basiang, bak si bisu mambaco doa, indak tantu nan ka dikatokan, awak nan indak bapaguruan, alah digilo bayang-bayang, sudah dimabuak angan-angan, dikacak langan lah bak langan, dikacak batih lah bak batih. Angan di ateh awan sajo,
pandai mancalo-calo urang, indak mangaji syarat jo rukun, indak
93
