Partamo urang sumando kacang miang, kaduo urang sumando langau hijau, katigo urang sumando kutu dapua, kaampek urang sumando lapiak buruak, kalimo urang sumando bapak paja, kaanam urang sumando niniek-mamak.
Adopun sumando kacang miang, mambuek kusuik nan salasai, nan mangaruah korong jo kampuang, bumi sampik alam tak sunyi, dio manjadi upeh racun.
Artinyo urang sumando langau hijau, atah taserak di nan kalam, intan tacicia sadang bada, ulek tingga inyo pun tabang langau nan indak malengong lai, itulah sumando langau hijau.
Artinyo sumado kutu dapua, indak bajalan ilia-mudiak, korong jo kampuang indak tatampuah, karib jo kirabat indak paduli, namuah manumbuak jo batanak, lah samak jalan ka tapian, lah kalam jalan ka pintu, lah elok langkah ka dapua, asa sanang bini awak, mati ayam mati tungau, sadanglah dunia cando itu.
Artinyo urang sumando lapiak buruak, iyolah urang kalngkahan, manjadi ijuak panaba, patang pagi dikicuah bini, awak kasih binih manggendeng, asa bini tak dapek malu, asa carai jan disabuik, bialah awak jadi landasan.
Artinyo sumando bapak pajo, inyo umpamo kumbang janti datangnyo rancak, pai pun rancak, pai pun rancak, pulang sanjo pailah pagi, satu pun indak dapek diarokan, pandai manggulai tak baraia kanyang dek gulai ambuang-ambuang, mabuk bamain muluik manih, raso di tapak tangan juo.
Artinyo sumando niniak-mamak, itulah bumi langik kito, kan ganti cincin dengan galang, payuang panji tampek balinduang, kan ganti si tawa jo si dingin, panjang nan kamangarek, singkek nan kamauleh, dalam aka-budi bicaronyo paham elok kito santoso, lahia bathin tak baupatan.
Macam Wanita Tabagi Tigo
leh karena wanita sangat memegang peranan dalam masyarakat, yang jika diperkecil dalam keluarga/kaum sebagai unit yang terendah dalam bangsa, maka perlu pula mendapat tempat dalam uraian ini.
Kalau syarak mangato adat mamakai, maka syarak mangatokan wanita itu tiang negari, bilamana baik wanita, baik negara: dan jika rusak
95
