Arti riang-riang asam: bagai kancah laweh arang, paham bagai tabuang saruch, kalau dapek galitiknyo taruah bana bak katidiang, kalau tak pandai mangawainyo, tasuruik bana bak anjalai, kalau pandai mauju-maujukan, dipujinyo bamuko-bamuko, tapi siapo nan indak manuruikkan, banyak upatan dari belakang, sampai dicacak dihinokan, buruak dan aib dipatimbuakan, disinan syetan duduak bajuntai, pado lidahnyo iblis batahan, itulah tuo nan cilako, sabab tak kasiahakan agamo.
Sifat manusia di dunia duo macamnyo
Partamo sifat kabancian, kaduo sifat kasayangan.
Nan sifat kabancian:
Elok baso tak katuju, baiak budi tak manantu, gadang sendok tak mambao, gadang suok tak manganyang, gadang antak indak lalu, elnk tungkuih tak barisi, gadang agak tak mamyampai, gadang galagok tak bamalu, kareh latuih tak barasok, gadang dantam apopun tidak.
Sifat kesayangan:
Pandai manyamokan manusia, tak balabiah tak bakurang, pandai mamaliharo hati urang, pandi maharagokan samo kawan, pandai marandahkan hati, muluik manieh basopun baiak, pandai baliku di nan tarang, pandai balindung dinan paneh, pandai mambiak pabia makan ataupun minum, angota nan tujuah dipasangkan, suko manjunjuang titah rajo, kasiah kapado adat jo agamo, manuruik sapanjang kitab Allah, samparono iman jo Islamnyo, melengkapi syarat ja rukun, sabanyak ilemu jo pangatahuan, sabanyak bintang di langik, bagai dalam lauatan gadang, tidak lain tidak bukan, makasuik iman pado Allah.
Bakariah sakali muno,
Patah lai basimpai alun.
Ratak sabuah jati tuah,
Kalau dibukak pusaka lamo,
dibangkik tareh nan tarandam,
Tak hanyak rugyo nan barubah.
102
