Sandang (Salendang)
Di bahu manyandang kain kaciak, kain cundai ampek sagi, pahapuih paluah di kaniang, pambungkuih nan tingga bajapuik, pangampuangan nan tacicia babinjek. Kato dahulu batapati, kato kamudian kato bacari, tak buliah tidak janyo adat. Tandonyo Tuhan bersifat kadim, manusia basifat kilaf. Di rantai kunci tagantuang banyaknyo salapan baleh buah, kalau ditinjau alamatnyo, kok tibo di maso kayo, ka pambukak peti ka baragieh, kok tibo di maso bansaik, pangunci puro basiceke. Kalau lah tibo maso murah, pambukak peti baragieh, pambukak peti pakaian, panurvik alua nan luruih, ka panampuah jalan nan pasa, Kalau di adat nan bapakia, di tiang panjang Simajo Lelo. Kalau pusako kabajuntai, pambukak peti bunian. Baiak digantang nan tatagak, atau cupak nan baisi, panyingkokkan simpanan adat, panyimpanan kato kabulatan, nak kokoh barieh jo balabeh.
Elok nagari dek penghulu,
Rancak tapian dek nan mudo,
Kalu akan memegang hulu,
Pandi mamatiharo puntiang dan mato.
Karieh (Keris)
Sanjatonyo katieh kabasaran, sampiang jo cawek nan tampeknyo, sisteknyo tanaman tabu, lataknyo condong ka kida, dikesoang mako dicabuik. Gembonyo tumpuan puntiang, tunangan ulu kaya kamat, kokah tak tarago dek ambalau, gunyahnyo bapantang tangga, bengkok nan tigo patah, tapi luruih manahan tiliak, bantuak dimakan siku- siku, luruih dimakan lapeh banang. Kok bungka ganak manaham asah, hukum adia manahan bandiang, kalau bana manahan liek. Bamato baliak batimba, sanyawo pulo jo gembonyo. Pantang balampeh kaasahan, tajam tak rago dek bakabuik, haluih tak rago dek baliliah, mamutuih rambuik di ambuihkan, tapi tajam nan pantang malukoi. Kan parauik parik hulu, pangkikih miang di kampuang, panarah nan bungkuak sarueh. Ipuahnyo turun dari langik, bisonyo pantang hatawaran, jajak ditikam mati juo, Ka_palawan dayo rang haluih, ka panulak musuah di badan, jalan nan buruak jan tatampuah, bagi papatah gurindam adat:
Karieh saniponyo garjo erah,
Lahie buthin pamaga diri,
Patah lidah bakeh alah,
Patah karieh bakeh mati
108
