Dibarieh makanan pahek,
Tantang sakik lakek ubek,
Tantang aia lapeh tubo,
Talatak suatu ditampeknyo,
Dikapuah-kapuah lakek parmato.
Nan babarieh nan bapahek,
Nan baukua nan bakabuang,
Curieng barieh buliah diliek,
Cupak panuah gantang babubuang,
Barieh tak buliah dilampaui,
Cupak tak buliah dilabih-kurangi.
Talatak suatu di tampeknyo,
Dimakan mungkin jo patuik,
Di lingkungan barieh jo balabeh,
Di dalam adat jo pusako.
Kalauik riak maampeh,
Ka pulau baguo batu,
Kok mangauik iyo banan kameh,
Kok mancancang iyo bana putuih
Kullu syaiin biqamin: tiap-tiap sesuatu letakkan pada tempatnya.
Kato mufakat
Dibulekkan aia ka pambuluh,
Dibulekken kato ka mufakat.
Baiyo-iyo jo kakak,
Saciok nan bak ayam,
badanciang nan bak basi.
Bulek baru digolekkan,
Pipiah baru dilayangkan,
iutek punting basandiang,
Puak nan pantang basuduik,
Tapauiek makanan lantak,
Takurang makanan kunci.
