PRAKATA
Kapado niniak-mamak nan gadang basa batuah, pucuak bulek jo urek tunggang, nan dianjuang diamba gadang. Kapai tampek batanyo, kapulang tampak babarito. Nan bak umpamo kayu gadang di tangah koto. Urek nan buliah tampek baselo, batang gadang tampek basanda. Dahan kuat buliah bagantung, daun rimbun buliah balinduang, buah labek dapek dimakan. Tampek baliduang kapanasan, tampek bataduah kahujanan. Nan batako bana. Aia janiah sayaknyo landai, ikan jinak hukumnyo adia.
Kaampek suku di nagari, nan manjunjuang soko adat, bila maulana jo tuangku, nan tahu di hala dengan haram, sarato sah jo nan bata, suluah bendang adat limbago. Hulu balang jo ampang limo, jo manti Pagawai adat, nan bak umpamo pagaran kokoh. Cadiak jo tahu pandai, nan arieh bijaksano, tahu di angin nan basaruik, tahu di ombak nan basabuang, sarato dahan ka maimpok, runciang ka mancucuak, tahu di alamat kato sampai, alun bakiek lah bakalam, bulan lah sangkap tigo puluah, takilek ikan dalarn aia ikan takilek jalo tibo, tantu jantan batinonyo.
Sarato jo urang banyak, nan tidak baimbau namo, sarato basabuik gala, nan dilingkuang barieh jo balabeh, di dalam cupak jo gantang, dikanduang adat jo pusako. Ujuik tujuan buah rundingan sakiro paham dikandaki, bahubuang jo maso nan ditampuah, musim nan tumbuah iko kini, syariatnyo ado bahakikat. Lahiah kulik menganduang isi. Lahiah manjadi buah ama, dek enggeran soko nan tatagak. Koto aman
XV
