Ramilah pasa Batang Hari,
Sabaliak bapaga kawek,
Randah taka tak dapek dilangkahi,
Tinggi tak dapek kito panjek.
Duduak surang basampiek-sampiek,
Duduak basamo balapang-lapang,
Kato surang dibulati,
Kato basamo dipaiyokan,
Elok diambiak jo mufakat,
Buruak dibuang jo etongan .
Syarak mengatakan: Wasyawirhum fil amri, artinya bermusyawarahlah kamu pada tiap-tiap pekerjaan yang baik.
Kato Duhulu Batapati
Kato nan ampiang-ampiang putuih, datang maro malintang, dibuek janji sapatuiknyo, lah tibo janji nan takarang, suri tagantuang batanuni, juak tagangan nan basauak, kayu batakuak barabakah, janji babuek batapati, kasuri tuladan kain, kacupak tuladan batuang, titiak buliah ditampuang, maleieh buih dipalik, iyo dek anak-kamanakan.
Kata syarak: Aufu bil uqud, artinya selalulah kamu menepati akan janji.
Kato Kamudian Kato Bacari
Kato nan ampiang-ampiang putuih, datang maro malintang. Datang nak hak pai nan bata, elok nan tibo dari nan dahulu, dirubah etongan jo mufakat, dicari kato nan batal, karena yang batal itu akan hancur. Jangan kato "dicari-cari" yakni kok datang baruik jo minyak, duduaklah bakisa tagaklah bapaliang, mancaliak jo suduik mato, bajalan di suduik labuah, cocok tapakai nan bak kian, warieh siapo nan kito jawek, pusako nan kito toloang, bajalan tatap di nan pasa, bakato tatap di nan bana, Buliah duduak bakisa tagak bapaliang, duduak bakisa di lapiak nan sahalai, tagak bakisa di tanah nan sabingka, namun bana dianjak tidak.
