Rumah Gadang
Sebagai kebanggan kebudayaan daerah Minangkabau (Sumbar), lambang tampek tuak sakato. Rumah gadang surambi Aceh, sumarak dalam nagari, hiasan di dalam kampuang, sangkutan pusako tapatan undang, nan salanjang kudo balari nan salitak kuciang maloncek, batata ukua batang padi, bikinan tuangku dari cino, paran karo bajuntai.
Tonggak banamo kasandaran, sandi laweh landasan batin, sandi banamo alua adat, tuturan labah mangiirok, pacuang turang alang katabang, gonjong rabuang mambucuik, manjulang tinggi ka udaro, timah mamutiah diatehnyo.
Rangkiang baririek di halaman, nan disabuik rajo babandiang, di tapi disabuik gajah maaram, nan di tangah lumbuang baperoang, di ujuang si tinjau lauik.
Itulah rumah adat kito, tampek maniru manuladan, paaja baso dengan basi, sarato budi dengan malu, kok tumbuah di lantai tampek duduak, banamo data balantai papan, licin balangkai kuliek, kato mufakat nan tujua, elok diambiak jo mufakat, buruak di buang jo etongan, bulek baru digolekkan, pipiah nan baru dilayangkan.
Ninik-mamak
Pemimpin anak-kemenakan, disabuik penghulu di dalam adat, pusek jako kumpulan ikan, ka pai tampek batanyo, ka pulang tempek babarito, nan mamegang hukum adia bakato bana, kusuik manyalasai, karuah manjanihi, nan disabuik lantai di nagari.
Kamalantai di dusun Kamalantai koto jo nagari, malantai labuah jn tapian, sarato korang dengan kampuang, malantai sawah dengan ladang, ka malantai balai jo musajik, malantai anak-kamanakan.
Di lantai jo aka budi, dipaliharo jo luruih bana, kayu gadang di tangah koto, hari paneh tampek balinduang, hari hujan buliah batadual, dek nan salingkuang cupak adat, nan sapayuang sapatagak, dan nan di bawah payuang di lingkuang cupak.
Nak urang di kampung Kurai,
Nak kale ku Ampek Angkek
Kok yo panghudu kaganti lantan,
Fapijak usah manjongkek,
176
