Guntiang nan dari Ampek Angkek,
Dibao nak urang ka Mandiangin,
Dipinjam urang ka biaro,
Kalau datang gunjiang jo upek,
Sangko di lawa jo sidingin,
Baitu pemimpin sabananyo.
Adat taluak timbunan kapa,
Adat gunuang timbunan kabuik,
Adat lurah timbunan aia,
Adat pemimpin tahan upek.
Tampek kamanakan maniru manuladan, kasuri buliah tuladan kain, kacupak buliah tuladan batuang, kok titiak dapek ditampung, maleleh buliah dipaliek, satitiak buliah dilauikkan, sakapa dapek digunuangkan, iyo dek anak-kamanakan. Tapi sungguah pun demikian:
Walaupun hinggok nan man cakam,
Kuku nan tajam tak baguno,
Bago mamenga tampuak alam,
Kato mufakat nan kuaso.
Alim Ulama
Ikutan lahiah dengan batin, suluah bendang dalam nagari, ka panyuluah anak-kemanakan, panarangi jalan di dunia, panyuluah jalan ka akhirat, tampek batanyo hala haram, sarato sah dengan bata, syarak mengato adat mamakai, adat basandi syarak, syarak basandi Kitabullah.
Nak urang di Payakumbuh,
Nak lalu ka Banda Dalam,
Kok iyo ulama ka ganti suluah,
Jan jatuah urang di nan kalam.
Cadiak Pandai
Pagaran kokoh, pamaga koroang dengan kampuang, pamaga adat jo agamo, pamaga anak-kamanakan, pamaga balai jo musajik, pamaga
177
