Bajalan bagage-gagel,
Kacindorong mato rang banyak,
Kok tumbuah silang jan mangareh
Nan bakawan jo urang banyak.
Dibao ribuik dibao angin,
Dibao pikek dibao langau,
Muluik jo hati kok balain,
Pantang adat Minangkabau.
Tasindorong jajak manurun,
Tatukiak jajak mandaki,
Adat jo syarak kok tasusun,
Budi sanang padi manjadi.
Bajua banurah-murah,
Ditanyo janabbatimbang.
Rang gadang tak samo arah,
Di sinau rakyak mangkonyo bimbang.
Bajua bamurah-murah,
Batimbang jawab ditanyoi,
Penghulu jikalau pacah,
Adat nan tidak bangunlai,
Allah bauriah bak sipasin,
Kok bakiak alah bajajak,
Muluik panghulu nak jo masin,
Pandai bagaua jo urang banyak,
Dagu-dagi mambari malu,
Sumbang salah laku parangai,
Jalankan hak panghulu,
Bapantang kusuik tak salasai.
Samun saka tagak di bateh,
Umbuak umbi budi marangkak.
Kiri-kanan riak maampeh.
Di tangah-tengah penghulu tagak.
179
