labek, nan babukik baguo batu, nan bangarai balurah dalam, nan badanau aia mangalia, nan batasik bapajau-bajan. Dengan ketentuan ekonomi, Sasukek duo baleh taia dicupak mangko digantang, nan lunak ditanam baniah, nan kareh dibuek ladang, nan bancah paleh itiak, ganangan katabek ikan, bukik batu ka tambang ameh, tambang timbago dengan perak, tambang batu baro dengan minyak batanam nan bapucuak mamaliharo nan banyawa.
Sawahnyo batumpak-tumpak, ladang bidang-babidang, sawah batumpak di nan data, ladang babidang di nan lereang, banda baliku turuik bukik, cancang latiah niniak-nyang, tambilang basi rang tuo-tuo, sawah lah sudah jo lantaknyo, ladang lah sudah jo ranji. Luhak diagiah bapanghulu, nagari baampek suku, dalant suku balnah paruik, kampuang diagiah batuo, rumah dibari batungganai. Nagarinyo bapaga dengan undang, kampuang bapaga dengan buek. Nan basasok bajurami bapandam bapakuburan, balabuah batapian, bakoroang bakampuang. barumah batanggo, basawah baladang, babalai bamusajik. Adatnyo basandi syarak, syarak basandi Kitabullah, syarak mangato adat mamakai, adat kewi syaraknyo lazim.
Labuah panjang cindai tajeluo, kasiak mipih bak dipipia kasiak atui bak ditintiang, batu bulek basusun-susun, pudiang ameh batimbo jalan, salo manyalo pudaing itam, limau manih pautan kudo, kamuning sandaran alu, aia janiah titian batu, nan jauah buliah dituruik, nan dakek buliah dijalang. Rumah gadang sambilan ruang, nan salajang kudo balari, nan saletak kuciang malompek, sandi banamo alau adat. tonggak banamo kasandaran, pancuang turang alang katabang. tuturan labah mengirok, gonjoang rabuang mambucuik paran gamba ula ngiang. baukia bamego-mego, ukia banamo balang padi, kaluak puku kacang balimbiang batata dengan ala anuch, salo mamyalo aia perak. Lantainya data balantai papan licin balantai kulik, ka ujuang surambi papek, di tangah rajo babandiang, tatapan undang sangkutan pesako, lampk maniru manuladan.
Nan bajanjang naiak batanggo turun, naiak dari janjang nan di bawah, turun dari tanggo nan di ateh, kok raso dibok naiak. pariso dibaok turun, makakai malu jo sopan, sarato raso jo parisa, erang dengan gendeang, untuak bahanggo dengan tanggo. Kok barek samo dipikua ringan samo dijinjiang, nan ado samo dimakan, nan indak samo dicari. Tatungkuik samo makan tanah, tatilantang samo minum ambun.
27
