Rangkiang baririk di halaman, nan banamo sibayau-bayau, kaduo lubuang baperoang, katigo Sitinjau Lawik. Lah sudah untuak katigonyo. Nan banamo si bayau-bayau guno padinyo, untuk makanan rumah jo tanggo, kapanuruik alua nan luruih, nan panampuah jalan nan pasa, tumbuah di adat ka diisi, jokok limbago dituangi. Nan banamo Lumbuang Baperoang kan panunggang koroang jo kampuang, kok tibo di maso sulik, nan senteang patuik dibilai, nan kurang patuik ditukuak nan singkek diuleh nan kurang patuik ditukuak, nan singkek dapek diuleh nan banamo Sitinjau lawik, kapanyapo dagang lalu, pananti tamu datang, kok lapa dibari nasi, jikok awi diagiah aia banamo dat sopan santun.
Ka rantu madang di hulu,
babuah babungo balun,
marantau buyang daulu
di rumah baguno balun
Laguah lagah buni padati,
padati jalan ka Padang.
nan kabau bajalan juo,
sasuok dapek pagi,
sasuok dapek patang.
Minangkabau takana juo.
Satinggi tabang bangau,
baliak joka kubangan,
sanang bana hiduik di rantau,
takana juo kampuang halaman.
Ukua jo jangko kok tak tarang,
susunan niniak-muyang kito,
dek rancak kilek loyang datang,
intan jan disangko kilek kaco.
28
