Baa nan dakwa dituduahkan: Basasi bakatarangan. Baa nan dakwa dicemohkan: Basuriah bak sipasin, bajajak bak bakik, babaun bak ambacang. Baa nan dakwa nan disapokan: Seperti mendakwa orang lalu. Baa nan dakwa ditukehkan: Seperti mendakwa urang bazina.
Syarat dakwa empat perkara
1. Saksi,
2. Syahadah,
3. Bainah,
4. Keterangan.
Baa nan saksi: Urang nan badiri sandirinyo manampak dan mamandang tubuahnyo sapanjang undang. Baa man syahadah Urang nan badiri dengan didirikan, sifatnyo maliek dan mamandang, mamacik pakarajaan, kaduo balah pihaknyo, tumbuahnyo sapanjang syarak.
Baa nan bainah: Tumbuah di lupak balantak, tumbuah di kareh batanam batu, tumbuah dipadang baligundi, tumbuah di ladang balinjuang, tumbuah dibukik bakaratau, tumbuah di rimbo nan babateh, sifatnyo pakak jo tuli, buto jo rabun, basyariat bahakikat, nan syariat batu jo kayu atau kareh jo lunak, hakikatnyo manusia juo, itulah urang-urang tuo kito mambuek adat jo pusako.
Baa nan keterangan: Urang yang mengkhabarkanakan tando daripado salah satu kaduonyo, adolah duo tampek, tumbuah dijua dengan bali, atau disalang jo pisalang. Adolah duo tampek tumbuah. Mano nan duo: Patamo adat batali cambu; duo, saksi batakuak kayu.
Mano adat nan batali cambu: Tumbuah di mamak dengan bapak, sapakat mamak jo bapak, cupak
lah di aia gantang lah di rumah.
47
