Mano nan satu:Mamutuihkan husumat antaro duo urang nan bahusumat.
Mano asal yang anam:
- Cupak usali,
- Cupak buatan.
- Kalo pusako.
- Kato mufakat.
- Kato dahulu batapati.
- Kato kamudian kato bacari.
Baa nan cupak usali: Persarikatan nan diumumkan bagi sagalo hati manusia.
Baa nan cupak buatan: Persekutuan nan mambari lazat bagi satangah hati manusia.
Baa nan kato pusako: Malatakkan sesuatu di tampeknyo, banyak dalamnyo.
Baa nan kato mufakat: Yaitu kato basamo nan buliah dibawo sarantau hilia sarantau mudiak, sarantau kiri, dan sarantau kanan.
Baa nan kato dahulu batapati: Kato nan ampiang habih, datang hal malintang, dibuwek janji sapatuiknyo, sampai janji nan takarang, dipakatokan, nan tagamba disudahkan, nan takarang, kok tajadikan, itu lah nan banamo kato dahulu nan batapati.
Baa nan kato kamudian kato bacari: Kato-kato nan hampia habih, datang hal malintang, datang nan hak pai nan bathal, karano ado dalil nan mangatokan, yaitu Iza jaal hak pazaaqal bathil.
Mano pacahan nan tigo:
- Hukum ilmu.
- Hukum bainah.
- Hukum ijtihad.
Baa nan hukum ilmu: Tahu hakim di perbuatan si Mudai dan si Mudaaleih mako di hukumjo ilmu. Kalau basalahan hukum jo ilmu, mako hukum barhalo
namonyo.
50
