Baa nan bana: Malatakkan sasuatu ka tampeknyo.
Asal bana ampek pakaro:
1. Dari dalil kato Allah,
2. Hadis kato nabi,
3. Dari kato pusako,
4. Dari kato mufakat.
Tampek tabik bana ampek:
1. Pikia palito hati,
2. Manuang hulu bicaro,
3. Nanang saribu aka,
4. Sabar bana mandatang
Panjauhkan bana ampek parakaro:
1. Dek takuik sarato malu,
2. Dek kasiah sarato sayang,
3. Dek labo sarato rugi,
4 Dek puji sarato sanjuang.
Pandangkan bana ampek parakaro
1. Dek banyak kato-kato,
2. Dek kurenah kato-kato,
3. Dek simanih kato-kato,
4. Dek lengah kato-kato.
Baa nan adat: Sabarapo nan tasusun nan tajadi dengan aturan. Baa nan undang-undang: Nan balukih tiok suatu maniliak pado adonyo. Baa nan cupak: Nan balapak, basiang di nan tumbuah, manimbang di nan ado. Adulah ampek tampek tumbuah. Tumbuah di adat, diindangi.
Tumbuah di syarak dilihati. Tumbuah di undang dikuasai dipalegakan Tumbuah di cupak dipalingi.
64
