Galak mangakah Marah Baganti, barapo kutjikak djo kutjindan. “Denai nan bukan urang bodoh, mukasuik denai indaklah buruak, bukannja denai urang gilo, hanjo digilo adiak kanduang.
Siapokoh garan namo adiak, rantjak nan bukan alang-alang, rambuik nan bak majang maurai, di muko tjintjin taruhan, di tangan ombak baralun.”
Batambah sirah muko nan kuniang, mandanga kato nan bak kian, injo manakua sambia bakato, “Manolah tuan djanjo denai, usahlah tuan bahandai-handai, lapehkan malah tangan denai, kareh bana patjik tuan, sakik dek denal garan tu kini.
O, tuan ampunlah denai, denai ka pai hanjo lai, handak babaliak ka ateh gunuang, alah rusuah mandeh tu kini, mananti denai balun pulang, lamo bana denai disiko, bamain-bamain diateh dunia.”
Kunun di Marah Baganti, raso batukuak miang dihati, batambah njalo maso itu.“Adiak kanduang djanjo denai, bari luruih denai batanjo, siapokoh garan namo adiak, djo siapo adiak kamari, dari mano handak kamano, mangapo adiek surang sadjo?”
“Ampunlah denai pado Tuan, denai nan indak urang disiko, kito nan indak urang sabangso, tuan manusia denai mambang, nan turun dari ateh gunuang Marapi. Basamo samo kami kamari, mandi-mandi kapintjuran tudjuah, badjalan-djalan ka ateh dunia.
Malang tjilako badan denai, takadjuik kami dek tuan, kawan denai lah habih balarian, tabao dek mareko tjintijin tjinto-tjlnto, nan talatak didalam puan. Djadi karano nan bak kian, bandan nan aluih mandjadi kasa, denai indak dapek mahilang lai. O, tuan djo den dituan, lapehkan malah tanga denai, denai ka pulang hanjo lai.”
Galak tabahak Marah Baganti, mandangakan tjurito Puti Marintan Aluih. Gadang hatinjo bukan main, saraso mandapek durian runtuah, putjuak ditjinto ulam tibo.
4
