Mandanga kato nan bak kian, maradjuak si gadih maso itu, tumbuah tjimburu indak santao, raso dialeh djo disindia, lalu bakato hanjo lai, “Manolah Tuan djanjo denai, lai moh baitu kato tuan, barapo banjak reno gadih, sarato puti nan pilihan, mangapo tuan mandajo denai, rintang maragu djo maraju, indaklah denai kasapadan, ijo djo tuan Marah Baganti, urang dunia banjak batuah, banjak nan sati djo kiramaik, tuan ameh denai timbago, sapantun manantang tjajo matohari!”
Galak tasengeang Marah Baganti, gali hatinyo mandangakan, djarek ditahan buruang, enggok djalo taserak ikan, tibo batambah gadang hati.
“Adiak denai Puti Marintan Aluih, dangakan malah kato denai, bialah puti dari lauik, atau mambang dari langik, nan dihati sungguah adiak surang. Mangapo baitu kato denai, karano adiak basuo njo, ditalago dibawah gunuang.
Dangakan diadiak tjurito, saukatu bapak denai, manundjuak maadjari, baliau bapasan maso itu, djokok anak mancjari djodoh, tjari dianak ka mano-mano, bia dilauik bia didarek, misiki ka sampai kalangik tinggi, nan kadjadi djodoh anak kanduang, ijolah nan memakai tjeno, di bawah mato, antaro mato djo. Bibianjo, batjilalek nan basah dek aia mato, itulah padusi nan bituah, limpapeh rumah nan gadang, atjang2 dalam nagari dalam nagari, itulah nan disabuik talago dibawah gunuang. Manolah adiak Puti Marintan Aluih, di adiak basuo nan bak nantun.”
Bagaluik sanjum dibibia, manjirah pipi nan montok, hati nan bak diambuang-ambuang, hati lakek pandanglah sudah, Indak ka dapek diubah lai.
Maso habih musim balalu, alah babilang bulan djo tahun, antah baropolah lamonjo, kunun di Marah Baganti duo djo Puti Marintan, Aluih alah mandjadi duo kadurang. Kasiah bapadu tiok hari, satapak indak batjarai, samiang balun bagagang. Kalurah samo manurun,
12
