Bakato pulo Marintan Aluih, “Sungguah samantang pun baitu, djokok Tuan barusuah hati, hibolah denal mamikiakan, apo taragak pado Tuan, kok djauh buliah denai djalang, djokok dakok buliah denai djapulk, tjubo katokan pado denai!”
Kunun di Marah Baganti, mandanga kato Marintan Aluih, tarumuak rasonjo paratian. Kadikatokan batarang-tarang, kok njo tahibo hati Marintan, kaditahan sedjo dalam hati, ramuak rasonjo paratian, duduak tagak bahati laro. Lalu bakato Marah Baganti.
“Adiak kanduang Marintan Aluih, dangakan bana kato denai, alah bamusim denai disiko, alah babilang bulan djo tahun. Katjiak baru anak kito, kini lah pandai bamain surang.”
Manolah adiak djanjo denai, taragak bana denai nak babaliak pulang, tatjinto mande djo bapak, takana tapian tampek mandi. Kini apo katenggang badan denai, badan denai sa aluih nangko.”
“Djokok itu nan Tuan katokan, mangapo pulo bahibo hati, mangapo dibao bamanuang sadjo, kuruih malah Tuan disiko. Mangapo Tuan haniangkan sadjo, mangapo dirangkuah kadado surang. Djokok taragak nan tuan katokan, denai alah mantjubo pulo, ramuak rasonjo dalam hati. Dapek dek denai marasokan, samaso denai di kampuang Tuan.
ljo bana itu Tuan, satinggi-tinggi malantiang, djatuahnjo katanah djuo, sadjauh-djauah tabang bangau, enggoknjo kakubangan djuo, biaso sadjo itu Tuan, tandonjo awak banagari, lai ba korong djo bakampuang.”
Sanang hatinjo Marah Baganti, mandanga kato Marintan Aluih. Tabukak rasonjo kiro-kiro, djanieh dalam paratian. Lalu bakato maso itu, “Sababnjo denai bahaniang diri, makonjo indak denai sabuik, djokok adiak salah tarimo, dikatokan denai maubahi, sagalo djandji nan di padan, dikatokan denai indak kasiah, pado anak, barubah hati pado adiak.
Itu bana nan marusuah, njampang tasuo nan bak nantun, djauah tahibo dalam hati. Itu sababnjo denai haniang, mangkonjo indak mangato-ngato.”
24
